Чӑваш Енри 3 блогер «Медиаполе» Наци премийӗн финалне лекнӗ. Вӗсем – Муркаш округӗнчи Валерий Егоров, Канаш тӑрӑхӗнчи Денис Козлов, Шӑмӑршӑри Мария Васильева. Блогерсем ҫитес эрнере Мускава кайӗҫ, шӑпах ҫавӑн чухне финал иртӗ.
Валерий Егоров пирки унчченех хыпарланӑччӗ ӗнтӗ. Вӑл – агроблогер, ҫемйипе пӗрле 2 гектар ҫӗр ҫинче ҫӗр ҫырли ҫитӗнтерет. Денис Козлов вара хӑйӗн блогӗнче ял пурнӑҫӗпе паллаштарать. Мария – нумай ачаллӑ амӑшӗ. Вӑл ҫемйипе тӗрлӗ кайӑк-кӗшӗк усрать, ҫав шутра экзотикӑллисем те пур. Ҫавӑн пекех вӗсем инкубаторта чӗпӗсем кӑлараҫҫӗ. Кун пирки вӑл хӑйӗн блогӗнче каласа кӑтартать.
Сӑмах май, ҫак конкурса 79 регионти 1583 ҫын хутшӑннӑ. Анчах финала 100 ҫын кӑна лекнӗ.
Чӑваш ялӗнче пурӑнакан, халӑх тетелӗнче хӑйсен пурнӑҫӗпе хастар паллаштаракан авторсем (халӗ ун пек ҫынсене блогер теҫҫӗ) «Медиаполе» (чӑв. Медиауй) наци премийӗн финалне лекнӗ.
Вӗсем – Муркаш тӑрӑхӗнчи Валерий Егоровпа Канаш тӑрӑхӗнчи Денис Козлов.
Ҫак икӗ арҫын ҫитес эрнере Мускава, конкурсӑн финалне хутшӑнма кайса килӗҫ.
«Пуринчен малтан» ТГ-канал пӗлтернӗ тӑрӑх, Валерий Егоров – агроблогер. Вӑл ҫемйипе 2 гектар ҫӗр ҫинче ҫӗр ҫырли ҫитӗнтерет. Денис Козлов хӑйӗн блогӗнче ял пурнӑҫӗпе паллаштарать.
Конкурса 79 регионти 1583 ҫын хутшӑннӑ, финала 100 ҫынна суйласа илнӗ.
Чӑваш Енри ҫамрӑксем Пӗтӗм Раҫҫейри «Ял лидерӗсем» конкурс финалисчӗсен йышне лекнӗ. Палӑртмалла: ку конкурса ҫамрӑк ертӳҫӗсене тупас тӗллевпе йӗркелеҫҫӗ.
Чӑваш Енрен финала Канаш округӗн пуҫлӑхӗн ҫамрӑксемпе ӗҫлекен канашҫи Ольга Медведева тата Муркаш округӗн пуҫлӑхӗн ҫамрӑксемпе ӗҫлекен канашҫи Михаил Николаев тухнӑ.
Финал раштав уйӑхӗн 3-6-мӗшӗсенче Мускавра пулӗ.
Канаш округӗнчи Чӑрӑшкасси ялӗнче пурӑнакан Николаевсем пӗр сукмакпа 55 ҫул утаҫҫӗ. Вӗсем ҫак уява паллӑ тунӑ.
Ҫамрӑксем Шупашкарта паллашнӑ. Фаина ун чухне Культура министерствинче методистра ӗҫленӗ, Анатолий Культура ҫуртӗнче илемлӗх ертӳҫи пулнӑ. Вӗсен хушшинче юрату ҫуралнӑ.
1970 ҫулхи чӳкӗн 8-мӗшӗнче 24-ри каччӑпа 21 ҫулти хӗр пӗрлешнӗ. Анатолий вырӑнти фабрикӑра столярта ӗҫленӗ, райсудра завхоз пулнӑ. Фаина Атнаш шкулӗнче малтан – пионервожатӑй, унтан вырӑс чӗлхипе литературин вӗрентекенӗ пулнӑ, тивӗҫлӗ канӑва тухиччен директор тивӗҫне пурнӑҫланӑ. Вӗсем икӗ ача ӳстернӗ, халӗ 3 мӑнук пур.
Кӑҫал кӑрлачӑн 2-мӗшӗнче ҫынна вӗлернӗ «Хӗл мучине» ҫирӗп режимлӑ колоние 12 ҫуллӑха ӑсатнӑ. Ҫак кунсенче суд пулнӑ.
Аса илтерер: ку Канаш хулинче «Березка» лавккара пулнӑ. Хӗл мучи тумне тӑхӑннӑ ҫын лавккана кӗрсе унӑн 54-ри хуҫине пӑшалтан персе вӗлернӗ.
«Хӗл мучи» камне ҫав кунах тупса палӑртнӑ
Вӑл – «Фортуна» суту-илӳ ҫурчӗн хуҫи пулнӑ 72-ри арҫын. Вӑл судра ӑнлантарнӑ тӑрӑх, вӗсен хушшинче укҫа тӗлӗшпе ӑнланманлӑх пулнӑ.
«Хӗл мучине» ҫав кун Канаш округӗнчи Вӑтапуҫ ялӗнче тытса чарнӑ. Пӑшала унӑн килӗнчех инҫех мар юр айӗнчи вӑрттӑн вырӑнта тупнӑ.
Паян, юпа уйӑхӗн 1-мӗшӗнче, Канаш районӗнчи Аслӑ Пикшикре культура ҫурчӗ уҫнӑ. Ҫӗнӗрен мар-ха. Пуррине тӗпрен юсаса ҫӗнетнӗ, капӑрлатнӑ, хитрелетнӗ, пуянлатнӑ хыҫҫӑн.
Юсав ӗҫне ирттерме пурӗ 25 миллион тенкӗ ытла тухса кайнӑ. Ҫуртӑн ҫивиттине пӗтӗмпех ылмаштарнӑ, хальхи вӑхӑтри алӑксемпе чӳречесем вырнаҫтарнӑ, маччасемпе урая ылмаштарнӑ. Акт залне ҫӗнӗ йышши оборудованипе сӗтел-пукан хӑтлӑх кӳреҫҫӗ.
Юсаса ҫӗнетнӗ культура ҫуртне уҫнӑ ятпа ирттернӗ уява тавралли культура ҫурчӗсенчи тата шкулсенчи пултарулӑх ушкӑнӗсем пырса ҫитнӗ. Тата, паллах, тӳре-шара саламланӑ.
Авӑн уйӑхӗн 25-мӗшӗнче каҫхине Канаш округӗнчи Ушанар ялӗнче пушар тухнӑ. Шел те, инкекпе вӗҫленнӗ вӑл.
Ҫулӑм йывӑҫ стенасене тата урая ярса илнӗ. Пушара ҫӑлавҫӑсем ҫур сехетрен сӳнтернӗ. Пӳртре кил хуҫин виллине, 59 ҫулти хӗрарӑма, тупнӑ.
Халӗ Инкеклӗ лару-тӑру министерстви пушар мӗнрен тухнине тӗпчет.
Канашри ЗАГСра 50 ҫул пӗрле пурӑнакан Кузнецовсене чысланӑ. Вӗсем 1975 ҫулта Сиккассинче пӗрлешнӗ.
Валентин Николаевичпа Людмила Ильинична икӗ ача ҫуратса ӳстернӗ, халӗ пилӗк мӑнукӗпе савӑнса пурӑнаҫҫӗ.
Валентин Николаевич культура тытӑмӗнче ӗҫленӗ: Сиккассинчи ача-пӑча ӳнер шкулӗнче вӗрентекен тата директор пулнӑ. 1986 ҫулта «Чӑваш АССРӗн тава тивӗҫлӗ культура ӗҫченӗ» ята тивӗҫнӗ. 1991 ҫултанпа вара вӑл – Раҫҫей композиторӗсен ассоциацийӗн пайташӗ.
Кузнецовсен ҫемйи – ҫамрӑксемшӗн тӗслӗх.
Канаш округӗнче пурӑнакан Кудряшовсем ҫемье ҫавӑрнӑранпа 60 ҫул ҫитнине паллӑ тунӑ.
Георгий Павловичпа Мария Тимофеевна 1965 ҫулта пӗрлешнӗ. Вӗсем тӑватӑ ача ҫуратса ӳстернӗ. Халӗ тӑхӑр мӑнукпа тата икӗ кӗҫӗн мӑнукпа савӑнса пурӑнаҫҫӗ. «Пирӗн чи пысӑк пуянлӑх – ачасемпе мӑнуксем», – теҫҫӗ вӗсем.
Георгий Павлович пушар хуралӗн водителӗнче 35 ҫул ытла ӗҫленӗ. Мария Тимофеевна вара медицина тытӑмӗнче вӑй хунӑ, вӑл – Чӑваш АССРӗн тава тивӗҫлӗ фельдшерӗ. Халӗ те вӗсем ӗҫсӗр лармаҫҫӗ, кил хуҫалӑхӗнче тӑрмашаҫҫӗ.
Авӑн уйӑхӗн 18-мӗшӗнче Чӑваш Енӗн Наци вулавӑшӗнче «Народный писатель Чувашской АССР Н. Т. Терентьев и чувашские драматурги» (чӑв. Чӑваш халӑх писателӗ Н.Т. Терентьев тата чӑваш драматургийӗ) ятпа ҫавра сӗтел иртӗ. Ӑна Николай Терентьев ҫуралнӑранпа 100 ҫул ситнине халаллӗҫ.
Николай Терентьев - драматург, тӑлмачӑ, артист, театр критикӗ; К.В. Иванов ячӗллӗ патшалӑх премийӗн Профессилле ҫыравҫӑсен П. Осипов ячӗллӗ премийӗн, К. Станиславский ячӗллӗ РСФСР патшалӑх премийӗн лауреачӗ.
Вӑл Канаш районӗнчи Кӑшнаруй ялӗнче ҫуралнӑ. Чӑваш патшалӑх педагогика институтӗнчен, Мускаври А.В. Луначарский ячӗллӗ театр ӳнерӗн институтӗнчен, А.М. Горький ячӗллӗ Литература институчӗ ҫумӗнчи Аслӑ литература курсӗнчен вӗренсе тухнӑ.
Тӑван колхозра счетоводра, кайран шкулта пуҫламӑш классен учителӗнче ӗҫленӗ. Кайран вара вӑл Чӑваш патшалӑх академи драма театрӗнче актер тата литература пайӗн заведующийӗнче тӑрӑшнӑ.
+17.2 °C